Энэ бол миний л сэтгэлгээний ертөнц

Би надад хэрэгтэй

Би түүнийг хамгаалдаг

Бас өмгөөлдөг

Бусдад магтдаг

Муугаа нуухад нь тусладаг

Мунхаг харагдуулахыг хүсдэггүй

Би намайг илэрхийлдэг

Би надаас хамаардаг

Заримдаа таалагддаггүй

Зайтай явмаар

Тэр үгнээс минь гардаггүй

Тэвчдэг, хичээдэг, итгэдэг

Одоо бодоход

Хүслээрээ багаас нь боолчилж

Одооноос больё

Хүссэнээрээ байж үзэг, үхэг

Олон тархинд тааруулах гэж

Олон ч мэс засал хийж

Төрснөөс нь өөрчлөв

Төөрүүлж орхив

Би минь өөрийгөө олог

Чи минь намайг уучлаарай

Бие минь нэг хойно

Чи минь намайг орхихгүй

Би чамд хайртай

Зөвхөн өөрийнхөө төлөө